ಬಳ್ಳಾರಿ, ಮೇ 25, 2025: ಬಳ್ಳಾರಿ ನಗರದ ಪ್ರತಿಷ್ಠಿತ ರಾಯಲ್ ಪೋರ್ಟ್ನಲ್ಲಿ ಇಂದು ಸಂಜೆ 6:30ಕ್ಕೆ ನಡೆದ ಪ್ರಜಾಪ್ರಗತಿ ಪತ್ರಿಕೆಯ 25ನೇ ವಾರ್ಷಿಕೋತ್ಸವ (ರಜತ ಸಂಭ್ರಮ) ಸಮಾರಂಭದಲ್ಲಿ ಕಾನಿಪ ಧ್ವನಿ ರಾಜ್ಯಾಧ್ಯಕ್ಷ ಬಂಗ್ಲೆ ಮಲ್ಲಿಕಾರ್ಜುನ ಅವರಿಗೆ “ಜರ್ನಲಿಸ್ಟ್ ಸ್ಟಾರ್ ಅವಾರ್ಡ್” ಪ್ರದಾನ ಮಾಡಲಾಯಿತು.
ಪತ್ರಕರ್ತರ ಏಳಿಗೆಗಾಗಿ ಅವರ ಶ್ರಮ ಮತ್ತು ಸಮರ್ಪಣೆಯನ್ನು ಗುರುತಿಸಿ ಈ ಪ್ರಶಸ್ತಿಯನ್ನು ನೀಡಲಾಯಿತು.ಪ್ರಜಾಡೈರಿ ಪತ್ರಿಕೆಯ ಸಂಪಾದಕ ಸುರೇಶ್ ಅವರು ಆಯೋಜಿಸಿದ್ದ ಈ ಕಾರ್ಯಕ್ರಮವು ಸೆಲೆಬ್ರಿಟೀಸ್ ಅವಾರ್ಡ್ ಪ್ರದಾನ ಸಮಾರಂಭದ ಜೊತೆಗೆ ರಜತ ಸಂಭ್ರಮವನ್ನು ಆಚರಿಸಿತು.
ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಬಹುಭಾಷಾ ಚಲನಚಿತ್ರ ನಟರಾದ ತೆಲುಗು ಖ್ಯಾತ ನಟರಾದ ಸುಮನ್, ಬಾನುಚಂದರ್, ಬಳ್ಳಾರಿಯ ಖ್ಯಾತ ಉದ್ಯಮಿ ಹಾಗೂ ಬಿ.ಐ.ಟಿ.ಎಂ. ಕಾಲೇಜಿನ ಮುಖ್ಯಸ್ಥ ಅರುಣ ಭೂಪಾಲ್, ಬೆಳಗಾಯಿತು ದಿನಪತ್ರಿಕೆಯ ಮುಖ್ಯಸ್ಥ ಅನೂಪ್ ಉಪಸ್ಥಿತರಿದ್ದರು.ಸಮಾರಂಭದಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಅನೇಕರಿಗೆ ಸೆಲೆಬ್ರಿಟೀಸ್ ಅವಾರ್ಡ್ ಪ್ರದಾನ ಮಾಡಲಾಯಿತು. ವಿಶೇಷವಾಗಿ, ಪತ್ರಿಕೋದ್ಯಮ ಕ್ಷೇತ್ರದಲ್ಲಿ ಬಂಗ್ಲೆ ಮಲ್ಲಿಕಾರ್ಜುನ ಅವರ ಕೊಡುಗೆಯನ್ನು ಶ್ಲಾಘಿಸಿ “ಜರ್ನಲಿಸ್ಟ್ ಸ್ಟಾರ್ ಅವಾರ್ಡ್” ನೀಡಿ ಗೌರವಿಸಲಾಯಿತು.
ಕಾರ್ಯಕ್ರಮವು ಸಾಂಸ್ಕೃತಿಕ ಕಾರ್ಯಕ್ರಮಗಳಿಂದ ಕೂಡಿತ್ತು ಮತ್ತು ಉತ್ಸಾಹದಿಂದ ಕೂಡಿತ್ತು.ಈ ಸಂದರ್ಭದಲ್ಲಿ ಬಂಗ್ಲೆ ಮಲ್ಲಿಕಾರ್ಜುನ ಅವರು, “ಈ ಪ್ರಶಸ್ತಿಯು ನನ್ನ ಕೆಲಸಕ್ಕೆ ಸಿಗುವ ಗೌರವವಾಗಿದ್ದು, ಪತ್ರಕರ್ತರ ಏಳಿಗೆಗಾಗಿ ಮತ್ತಷ್ಟು ಶ್ರಮಿಸಲು ಇದು ಪ್ರೇರಣೆಯಾಗಿದೆ” ಎಂದು ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಿದರು.
ಈ ಸಮಾರಂಭವು ಪತ್ರಿಕೋದ್ಯಮ ಕ್ಷೇತ್ರದ ಸಾಧಕರಿಗೆ ಮಾನ್ಯತೆ ನೀಡುವುದರ ಜೊತೆಗೆ ಸಮಾಜದಲ್ಲಿ ಸಕಾರಾತ್ಮಕ ಬದಲಾವಣೆಗೆ ಕೊಡುಗೆ ನೀಡುವವರನ್ನು ಗೌರವಿಸುವ ವೇದಿಕೆಯಾಯಿತು.
ವರದಿ: ಬಿ Chi..
